Ghurbat e Sajjad

کیسے ہو بیاں عابد بیمار کی غربت اس چادر زینب کے عزادار کی غربت یعنی سر شبیر کے غم خوار کی غربت جو قید ہے اس قافلہ سالار کی غربت گھر لٹنے کے غم میں جو سکوں سے نہیں سویا چالیس برس آنکھوں سے جو خون ہے رویا

جلتے ہوئے خیموں کا دھواں دیکھا ہے اس نے لٹتے ہوئے اک دن میں جہاں دیکھا ہے اس نے سر سب کا سر نوک سناں دیکھا ہے اس نے بازار میں محشر کا سماں دیکھا ہے اس نے کب ظلم و ستم اس قدر اجداد پہ گزرے جو قید میں اک سید سجاد پہ گزرے

بے پردہ حرم جب سر دربار گئے تھے بیٹھے تھے وہاں لوگ جو بدکار بڑے تھے کب ظلم و ستم عابد مضطر پہ رکے تھے بہنا کو کنیزی میں لعیں مانگ رہے تھے ہمشیر کا نام آیا جو بدکار کے لب پر سجاد لہو روتے رہے خاک پہ گر کر

جب شام کے زندان میں وہ قافلہ پہنچا تاریکی پہ کرنے لگی خود رات بھی نوحہ بھائی سے گلے لگ کے پکاری یہ سکینہ یاد آتا ہے اے بھیا بہت مجھ کو مدینہ بابا کو بلا دو کہ وہ کروا دیں گے آزاد بابا نہیں آئے تو میں مر جاؤں گی سجاد

روتے ہوئے جو قید میں وہ سوئی سکینہ کچھ دیر ہی گزری اٹھی کرتے ہوئے گریہ عابد سے کہا لینے مجھے آتے ہیں بابا زندان میں سر حضرت شبیر کا آیا زندان بھی گونج اٹھا عجب آہ و فغاں سے روتے ہوئے بابا کو سکینہ گئی جاں سے

اک بی بی نے صغری سے بیاں کی یہ روایت غربت بھی بکا کرتی تھی ایسی تھی وہ غربت سب بیبیاں روتی تھیں کہ آئی تھی قیامت سجاد پہ تھا سب سے بڑا وقت مصیبت پردیس سے یثرب جو نہیں لایا بہن کو زندان کی تاریکی میں دفنایا بہن کو