Viran Teriyan Rahwan Te Main Rondi Na Mar Jawan
Noha Lyrics & Urdu Writeup on Bibi Sughra (s.a) recited by Haji Ansar Party
ویرن تیریاں راہواں تے میں روندی نہ مر جاواں
موڑ مہاراں ویر اکبر سن بھین اجڑی دیاں ہاواں
لگدا اے دن تھوڑے نے ہن میرا وقت قریب اے
تیری جدائی کر گئی اے مینوں بے حد ویر غریب اے
سوچنی آں کی ہووے گا جے مر گئی باج بھراواں
توں لجپال دا بچڑا ایں بھیناں دے درد پچھانڑے
منگدی اے بیمار دعا شالا ویر جوانیاں مانڑے
دور روے ہر درد کولوں اکبر تیرا پرچھاواں
مان جناں تے زینب نوں چدھی منگدی اے خیر امامت
جیں تائیں دنیا باقی اے او بازو رہن سلامت
بازو میرے چاچے دے سارے کنبے دیاں بانواں
خواب خیالاں چن ویرن ہائے روگ جگر نوں لایا
وعدہ کر کے آون دا میرا چاچا مڑ نئیں آیا
ساری دنیا تے اکبر جدیاں مشہور وفاواں
ویکھنیاں وچ خواباں دے اسمان نے رنگ بدلایا
کردا بارش تیراں دی اک چن ہے درد ستایا
ھل من ناصر ینصرنا ہائے گونج رئیاں نے صداواں
خواب دے وچ میری دادی اک بن ویران وکھاوے
بازاراں دے موڑ کدی اک تنگ زندان وکھاوے
آکھے صغری ویکھ ذرا زہرا دیاں مقتل گاہواں
قتل ہویا چن لیلی دا توقیر جدوں وچ کربل
دسیا نہ لیلی نوں نہ رئی زینب ٹرن دے قابل
رب جانڑے کنج پہنچیاں نے ہائے لاش تے دوویں ماواں
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.