Shaan e Ali Akbar Suno, Shaan e Ali Akbar

شبیر کو خدا سے ہے ایسا پسر ملا صورت میں جو رسول تو سیرت میں مرتضی اس کا سراپا کوئی قلم سے نہ لکھ سکا کیسے میں اس کو یوسف ثانی کہوں بھلا اکبر کے حسن کے لیے بس یہ کلام ہے یوسف تو اس حسین کے صدقے کا نام ہے

تاریخ حسن سے کیا میں نے عجب سوال ابھرے جو چاند آتا ہے سورج کو پھر زوال سورج کے ساتھ چاند بھی چمکے تو ہے کمال اکبر کے وہ ظہور کی دینے لگی مثال منظر یہ دیکھنے کو فلک سر جھکائے ہے ہاشم کا چاند حسن کا سورج اٹھائے ہے

ہمشکل مصطفی ابو طالب کا زین ہے اکبر تو قلب ثانی زہرا کا چین ہے شیر خدا کے شیر کا یہ نور عین ہے سن اے زلیخا یہ دل و جان حسین ہے آج اس حسین کے واسطے بازار ہے جدا یہ وہ حسین ہے جس کا خریدار ہے خدا

یہ گلشن رسول کے آنگن کا پھول ہے اس کا جمال یعنی جمال رسول ہے دادا علی ہے اس کا تو دادی بتول ہے بابا کے دم سے دین خدا کا اصول ہے سن لو اذان صدیوں سے دیتی بیان ہے اکبر تیری اذان سے قائم اذان ہے

سلمان اعظمی علی اکبر کا ہے کرم مدحت رقم جو کر سکا مجھ جیسا کج قلم انکی عطا ہے میرے سخن پر یہ دم بہ دم اہل سخن میں ہے جو میرا نام محترم اب روز حشر کا نہیں مجھ کو ملال ہے ضامن جو میرا شافع محشر کا لال ہے