Haye Baba Teri Ummat Ne Mere Ron Te Pehre Laye
Noha Lyrics & Urdu Writeup on Bibi Fatema (s.a) recited by Ravi Road Party
ہائے بابا تیری امت نے میرے رون تے پہرے لائے
میں دسنی آں تیرے باجوں تیری زہرا نے جو ظلم اٹھائے
منبر دے سامنے تیری سند دے ٹکڑے چنڑ دی رئی نالے سنڑ دی رئی گلاں تیری تحریر دے بارے
میں روندی رئی او ہسدے رئے جناں لوکاں نوں توں کلمے پڑھائے
حق لینڑ گئی ساں ظالم دیاں جھڑکاں جھلدی رئی ہتھ ملدی رئی رو کے کھڑی دربار وچالے
میں اجڑی نوں نا حق ملیا کوئی میں وانگوں دربار نہ جائے
تیری دھی دے نال جو ایناں کلمہ گوواں نے کیتی اے ہتھ پاسے تے رکھ کے سینہ ہنڑ تیک وی رووے
کسے سوچیا نہ اے زہرا اے ایس اجڑی تے کیوں طاق گرائے
پہچان وی بھل گئی تیری بچڑی دی بابا میں ہاں زہرا لاڈلی پاک نبی دی میرے گھر نوں نہ جلاؤ
تیرا ناں لے کے بابا سائیں اوناں لوکاں دے میں واسطے پائے
حسنین نوں سڈیا جدوں آخری ویلے زہرا نے دوویں روندے ہوئے بہہ گئے آ کے امڑی دے سرہانے
روح جسم وچوں پرواز کیتی ہائے پتر جدوں گل نال سی لائے
شبیر نوں کیتا زینب دے حوالے امڑی نے کر کے پیار اخیری ایکوں گل نال چا لایا
نالے کیندی رئی سنگ چھوڑی نہ میرے بچھڑے تے کوئی وقت وی آئے
حسنین دی امڑی تے جو لکھیا اے نوحہ اختر نے واسطہ عون دی ماں دا بنڑے بخشش دا وسیلہ
ہر مومن لئی تیرا ناں لے کے تابوت اتے جنے اتھرو وگائے
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.