Akbar di paak jageer wicho hoya qafila inj tayyar ae
Noha Lyrics & Urdu Writeup on Arbaeen
اکبر دی پاک جاگیر وچوں ہویا قافلہ انج تیار اے
بے پردہ نبی زادیاں زنجیراں چہ سالار اے
قرآن دیاں تفسیراں نوں لے ٹریا شام مہاری اے
ایدھی کنڈ تے بوجھ وے غیرت دا ہائے گل وچ طوق وی بھاری اے
اے خیر ہوئے اس قافلے دی اگے شام والا بازار اے
کربل توں لے کے شام تائیں عابد نے صبر وکھایا اے
اس پیو تے ویر دے قاتلاں نل بہوں اوکھا سفر نبھایا اے
اینوں دکھ نئی زنجیراں دا گیا دکھ پردے دا مار اے
اس قافلے دا کی حال دساں کنج شام چہ استقبال ہویا
لے پئی سی بارش پتھراں دی ہر قیدی دا سر لال ہویا
ودھ گئی بھیڑ بازاراں دی ہائے ٹرنا وی دشوار اے
ہر ظلم نوں عابد بھل ویسی، بھل ویسی قتل بھراواں دے
کنڈ تے لکھیاں تحریراں نوں دکھ سب پتھریلیاں راواں دے
ریا آخری ساہ تائیں رت روندا نئی بھل سکیا دربار اے
اک کمسن قیدن قافلے وچ جدے کناں چوں رت جاری اے
ہائے بابا بابا کردی اے بڑا روندی درداں ماری اے
اے تک حالت اودھی روندے نے ہائے نیزے تے غمخوار اے
اینوں غیرت مار مکایا اے کھا درد گئے راواں دے
بھجدے اونٹھاں توں اظہر رے ڈگدے بچھڑے ماواں دے
رب جانے کیویں تکدا سی معصومہ نوں بیمار اے
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.