Syeda Tahira Tere Putar Hasan Di Mayyat Te Zaliman Teer Chalaye
Noha Lyrics & Urdu Writeup on Imam Hasan (a.s) recited by Sibte Hasnain Raza
سیدہ طاہرہ تیرے پتر حسن دی میت تے ظالماں تیر چلائے
جیویں آیا جنازہ شبر دا کوئی میت نہ انج گھر آئے
بھیناں نے میت ٹوڑی سی ہائے ویر نوں کفن پوا کے
پر امت میت نوں موڑ دتا ہائے تیراں نال سجا کے
امت نے انج تعظیم کیتی گیا کفن وی رنگ بدلا اے
قرآن دے قاریاں کر چھوڑی زخمی آیہ تطہیر اے
نئی ویکھیا ہائے کسے میت چوں پئی تیر کڈے ہمشیر اے
بہوں اوکھا شاہ نے دفن کیتا وچ بقیعہ حسن بھرا اے
اج نانے دے ہائے شہر دے وچ کی ظلم ہنیری چل گئی
جدوں ویر دی میت ویکھی تے بابے دی ضرب نوں بھل گئی
بے وقت یتیمی قاسم دی میڈی سین دے جگر نوں کھائے
دتا اجر رسالت سیداں نوں ہائے انج دا ظالم لوکاں
چمی لاش حسن دی کئی واری تیراں دیاں تکھیاں نوکاں
اج اپنے خون چہ سرخ ہویا وچ یثرب سبز قبا اے
سجاد دے پیو تے وطن اتے بے وقت غریبی چھا گئی
کیتا دفن ارادہ ویر دا تے تیراں دی بارش آ گئی
اظہر انج بدر تے احد والے ہائے ظالماں قرض چکائے
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.