Nana wich pardes de lutya mera ghar lokan ne
Noha Lyrics & Urdu Writeup on Bibi Zainab (s.a) recited by Ravi Road Party
نانا وچ پردیس دے لٹیا میرا گھر لوکاں نے
مینوں بازاراں چہ کروائے سفر لوکاں نے
میں محمد دی نواسی ہاں ڈسیندی رئی آں
واسطہ تیرا وی میں نانا پویندی رئی آں
فیر وی مار دتے میرے پتر لوکاں نے
جیہڑی گردن نوں توں چمدا رہیا نانا سائیں
جو اودھا حال ہویا بھلنا نئی محشر تائیں
اوس گردن تے چلا چھوڑے خنجر لوکاں نے
جنوں برقعے چہ کئی سال پلیندی رئی آں
آپ جاگاں اوکوں سینے تے سمیندی رئی آں
چیر چھڈیا اودھا کربل چہ جگر لوکاں نے
رئیاں پتھراں دیاں برساتاں چہ خطبے پڑھدی
ویر نوں رو نہ سکی دنیا توں نانا ڈردی
ایسا دتا اے رسالت دا اجر لوکاں نے
مینوں پہچانو میں زہرا دی پلی زینب ہاں
بھین حسنین دی ہاں بنت علی زینب ہاں
میرے خطبے دا لیا کج نہ اثر لوکاں نے
نال نیزے دے ردا شمر لہائی آ کے
مینوں بازاراں دے وچ ٹوریا رسیاں پا کے
پیاسے مارے میرے اکبر اصغر لوکاں نے
کیویں بازاراں دے حالات سناوے اختر
ثانیء زہرا تے وسدے رئے جس دم پتھر
آل احمد دا کیویں کیتا قدر لوکاں نے
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.