Darbar Di Peshi Zainab Di Sajjad Nu Khoon Rawa Gayi
Noha Lyrics & Urdu Writeup on Imam Sajjad (a.s) recited by Babu Khan Party Sialkot
دربار دی پیشی زینب دی سجاد نوں خون روا گئی
سر ننگے پھپھیاں ماواں دے اے غیرت جگر نوں کھا گئی
نئی بھلنا ساری زندگی اے جدوں شام چہ پہلی شام آئی
ہر پاسیوں پتھراں دی بارش نالے سارے لوک تماشائی
عابد نوں غش تے غش آندے تک دھی حیدر گھبرا گئی
ہائے جیوندیاں لنگ گیا رب جانے کیویں شام دیاں بازاراں چوں
سنگ پردے داراں ہو آیا کیویں شام دیاں درباراں چوں
کوفے تے شام دی ہر پیشی ایدے جگر تے خنجر چلا گئی
بابا تیرا چہلم قید دے وچ مجبور سی پتر نہ کر پایا
اٹھ پرسہ لے علی اکبر دا تیری قبر اتے اج میں آیا
سجاد دے دکھڑے سن سن کے کربل چہ قیامت آ گئی
دربار بازار توں ودھ کے وی کج اوکھے وقت وی آئے سن
جس بھین دے زخمی کناں نے سجاد دے درد ودھائے سن
او کفن دی تھاں سڑیا کرتہ دنیا توں جاندیاں پا گئی
قبراں نوں سینے لا لا کے ہر بی بی چہلم تے روئے
سفراں دے حال سنائیاں سن جیہڑے ظلم سی راہواں وچ ہوئے
اے پیشی پاک شہیداں نوں وچ قبراں دے تڑپا گئی
بیمار دے ہر اتھرو دا قمر ہر ظلم دا بدلہ ہووے گا
جناں کوفیاں شامیاں ظلم کیتا ہر ظالم اک دن رووے گا
آ مولا مہدی جلدی آ بڑا امت ظلم کما گئی
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.