Tere Lal Da Janaza Aaya Ae Mur Ke Nana
Noha Lyrics & Urdu Writeup on Imam Hasan (a.s)
تیرے لعل دا جنازہ آیا اے مڑ کے نانا
میت تے تیر مارے بے درد مسلماناں
ماتم حسن دا کیتا نالے وین وی تو پائے
دے رج کے پرسہ زینب، شبیر رو سنائے
تینوں رون نا دیوے گا میری لاش تے زمانہ
پھپھیاں دے گھر چہ قاسم پیغام لے کے آیا
میرے بابے نوں کسے نے ہائے زہر اے پلایا
کج دیر نوں دنیا توں میرے بابے نے ٹر جانا
میں تے سفید ویرن تینوں کفن سی پوایا
نانے دے کلمہ گوواں اے ظلم کی کمایا
تیرے وانگ کسے ویرن نئی لال کفن پانا
لاشے چوں تیر کڈدے دویں بھرا تے بھین اے
تابوت سینے لاندے ہائے زینب وحسین اے
غمگین ہو گیا اے احمد دا اے گھرانہ
حالت میں اپنے دل دی کیویں سناواں قاسم
بابے نئی فیر ملنا آ جا بلاواں قاسم
تینوں آخری میں واری اج سینے نال لانا
سجاد کلمہ گوہاں ہائے تیر جتھاں مارے
اے خون وی نبی دا اے جاندے نے سارے
پڑھدے نے نمازاں وی دیندے نے او اذاناں
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.