Main Malika Sharm O Haya Di Koi Ghairat Mand Rida Dewe
Noha Lyrics & Urdu Writeup on Bibi Zainab (s.a) recited by Baboo Khan Party Sialkot
میں ملکہ شرم و حیا دی کوئی غیرت مند ردا دیوے
نئی پیدل ٹرن دی عادی میں مجمعے نوں دور ہٹا دیوے
وارث تطہیر دی ہاں میں میرے گھر آیا قرآن اے
میرا نانا مرسل اعظم ہے نالے دادا پاک عمران اے
میں وقت دی زہرا ہاں لوگو مینوں ٹرن دا کوئی راہ دیوے
میری ماں دی عرشاں توں چادر خود خالق نے بھجوائی سی
میری ماں دے باجوں او چادر میرے حصے دے وچ آئی سی
کوئی شمر توں مینوں او چادر ہائے جا کے موڑ لیا دیوے
نعرہ تکبیر بلند کر کے لٹے خیمے بے تقصیراں دے
پامال جنازے ہو گئے نے سر سانگ تے چڑھ گئے ویراں دے
میرے پتر بھتیجے مار دتے کوئی مینوں پرسہ آ دیوے
اک پتر ہے قیدی نال میرے جدی غیرت کمر جھکا گئی اے
دربار دی پیشی عابد دے اکھیاں چوں خون روا گئی اے
میرے پتر بیمار مہاری دے کوئی طوق زنجیر لہا دیوے
اظہر اے شام دے لوکاں نوں بازار چ آکھے بنت علی
مینوں اجر رسالت آ دیئو ہائے لوکو میں ہاں بنت نبی
نئی فدک رداواں منگدی میں تبلیغ دا کوئی صلہ دیوے
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.