Haye Zainab Be Waris Ho Gayi
Noha Lyrics & Urdu Writeup on Bibi Zainab (s.a) recited by Ravi Road Party
ہائے زینب بے وارث ہو گئی پردے کون بچائے
سمجھ نہ آوے عون دی ماں نوں جیوے یا مر جائے
رج رج روئیاں زہرا جائیاں کنج دیاں گھڑیاں آئیاں
ٹر گیا پاک ردا دا راکھا امت چادراں لائیاں
کیہڑا جا کے نہر کنارے غازی نوں بلوائے
زینب دا جد سج نہ بچیا تو وی آ گئیو بابا
لتھ گئی میرے سر دی چادر داج لٹا کبرئی دا
پہرے دے کے دھی تیری غازی دا فرض نبھائے
شمر کمینے حکم دتا اے کر لو شام تیاری
بھرجائیاں کنج شام لے جاواں بول بیمار مہاری
پیو دی پگ دا وارث اٹھ پو زینب رو فرمائے
بال نیانے سہمے پھردے روون اگ توں ڈردے
کیویں زینب بال سنبھالے خیمے جاندے سڑدے
پتر بیمار نوں کیویں زینب چک کے باہر لیائے
پتھراں دے وچ لاش کوں تک کے کہن علی دیاں دھیاں
قیدی بھینڑاں ویکھ کے ویرن پچھاں کیوں وٹ لئیاں
نہ رس اجڑیاں بھینڑاں ویرن چلیاں دیس پرائے
اختر درداں ماری زینب پاک بتول دی جائی
بھرجائیاں نوں اولے کر کے دیوے بھین دوہائی
ظالم شمر نوں روکو ساڈیاں چادراں نہ ہتھ لائے
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.