Akbar Ka Lahu Shah Ki Aba Tak Puhanch Gaya
Noha Lyrics & Urdu Writeup on Hazrat Ali Akbar (a.s) recited by Mir Hasan Mir, Mir Qasim Mir
اکبر کا لہو شہ کی عبا تک پہنچ گیا
دستار سے وہ ماں کی ردا تک پہنچ گیا
ایسے گری ہے خیمے میں اکبر کی لاش پر
زینب کا خون خاک شفا تک پہنچ گیا
لیلی یہ رو کے کہتی تھیں اکبر کہاں ہو تم
ظالم کا ہاتھ میری ردا تک پہنچ گیا
آواز رن سے آئی کہ بابا میں گر پڑا
گرتا ہوا حسین صدا تک پہنچ گیا
سینے میں نیزہ توڑ کے کہتا تھا یہ لعیں
دیکھو حسین اپنی قضا تک پہنچ گیا
مولا ضعیف ہو گئے کچھ دیر میں مگر
اکبر کا لاشہ آل عبا تک پہنچ گیا
جس ہاتھ نے گرایا تھا ہمشکل مصطفی
نیزہ لیے وہ ہاتھ ردا تک پہنچ گیا
برچھی گڑی ہوئی تھی تو قاصد بھی آ گیا
صغری کا انتظار قضا تک پہنچ گیا
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.