Matam karo hussain
Noha Lyrics & Urdu Writeup on Azadari recited by Mesum Abbas
ماتم کرو حسین علیہ السلام کا
اک دن میں گھر اجڑ گیا لوگوں امام کا
سوکھا ہوا تھا سید مظلوم کا گلا
پانی نہیں ملا
گردن پہ شہ کے شمر نے خنجر چلا دیا
روتی تھی سیدہ
کیا حال کر دیا گیا عالی مقام کا
ماتم کرو حسین۔۔۔
اک دن میں دل پہ زخم بہتر کے کھاے ہیں
خوں میں نہائے ہیں
حر جون اور حبیب کے لاشے اٹھاے ہیں
آنسو بہاے ہے
خیموں تلک جنازہ جو لایا غلام کا
ماتم کرو حسین۔۔۔
سینے سے اپنے بیٹے کے نیزہ جدا کیا
ہاے وا مصیبتا
زہرا کا لال دشت میں بے نور ہو گیا
ہاے وا مصیبتا
اس بے وطن کا ہاے شہ تشنہ کام کا
ماتم کرو حسین۔۔۔
زینب کے دل پہ کیسی قیامت گزر گیء
دنیا اجڑ گیء
مقتل میں شہ کی لاش کی بے حرمتی ہوی
وہ دیکھتی رہی
پامال لاشہ ہو گیا شاہ انام کا
ماتم کرو حسین۔۔۔
مولا کے خاندان پہ بڑھتی گیء جفا
چھینی گیء ردا
چلتا تھا گرم ریت پہ کانٹوں پہ قافلہ
بازار آ گیا
نیزے پہ دیکھتا رہا منظر جو شام کا
ماتم کرو حسین۔۔۔
پیاسوں کو یاد کرکے سبیلیں لگاؤ تم
پانی پلاؤ تم
کالا لباس پہنو الم بھی سجاؤ تم
یوں غم مناؤ تم
فرش عزا بچھاؤ شہیدوں کے نام کا
ماتم کرو حسین۔۔۔
اک پل نہ بھول پاےنگے غربت حسین کی
جب تک ہے زندگی
یوں ہی کریں گے میثم و اذلان ازمی
مولا کی نوکری
زہرا سے اجر ہمکو ملے گا کلام کا
ماتم کرو حسین۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.