Ya Ali, Ya Ali Raza Mola
Manqabat Lyrics & Urdu Writeup on Imam Raza (a.s)
مظہر شان کبریا مولا
یاعلی، یاعلی رضا مولا
موجہ منقبت معطر ہے
دل خراسان بن گیا مولا
بندش سبز ضامن آہو
ہر مسافر ہرا بھرا مولا
آپ کا نقش پا سلامت باش
چل رہا ہے یہ قافلہ مولا
جشن مدحت ہے جادہ دیدار
کتنا روشن ہے راستہ مولا
آپ سے بحث کرنے والا کون؟
آپ سے کیا مناظرہ مولا؟
اک صلا تھی! ہے کون شب بیدار؟
طول سجدہ پکار اٹھا! مولا
سامنے ہے یقیں کا دسترخوان
میں نے لقمہ اٹھا لیا مولا
میرا سینہ شگافتہ، دل چاک
میرا کرتا پھٹا ہوا مولا
میں بھی اک ریزہ خوار دعبل ہوں
دیجیے خاک پا میں جا مولا
رہبری آپ ہی کو زیبا ہے
میں تو گھر سے نکل پڑا مولا
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.