Khwaban Ch Veer Nu
Noha Lyrics & Urdu Writeup on Bibi Sughra (s.a) recited by Asghar Khan
خواباں چہ ویر نوں نانا جدوں بلاواں اکبر نئی بولدا
تیری صغری واں ہائے رو رو کے آکھدی جاواں ہائے اکبر نئی بولدا
آواز میں دیواں تے چن ویر چپ روے
اج تائیں اینج نئی ہویا دل میرا کنج سہوے
ایناں درداں توں ہائے میری مک نا جاون سانواں ہائے اکبر نئی بولدا
میں ویکھیا اے نانا وچ دشت کربلا
پھردا پیا اے بابا چک کے میرا بھرا
پیا غازی نوں ہائے پیا غازی نوں او دیوے رو رو صداواں ہائے اکبر نئی بولدا
زینب پچھی نوں بابا رو رو کے آکھیا
ڈردا پیاں ہاں زینب مر جائے نہ لیلی
کیویں لیلی نوں ہائے کیویں لیلی نوں زینب اے خبر سناواں ہائے اکبر نئی بولدا
میں آکھنی آں اکبر شگناں چہ کھو گیا ایں
سینے تے مہندی لا کے ہتھ رکھ کے سو گیا ایں
کوئی لے جاوے ہائے کوئی لے جاوے اوہدے کول میں انو جگاواں ہائے اکبر نئی بولدا
چم کے قبر نوں صغری ثقلین اے کیہا
وچ خیمیاں دے نانا منظر میں ویکھیا
اکو وین کرن ہائے اکو وین کرن میرے ویر تے پھپھیاں ماواں ہائے اکبر نئی بولدا
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.