Hussain Ghaiz Mein Hain

آج میداں میں حسین ابن علی غیظ میں ہیں فاطمہ غیظ میں ہیں حق کے ولی غیظ میں ہیں ساتھ شبیر کے جتنے ہیں سبھی غیظ میں ہیں ایسا لگتا ہے سوا لاکھ نبی غیظ میں ہیں اپنی تلوار سے بازی یہ پلٹ دے گا حسین آج میداں کو جہنم میں الٹ دے گا حسین

فیصلہ کن میرے مولا کی لڑائی ہو گی خون میں تر ابھی دریا کی ترائی ہو گی موت کے سر پہ گھٹا موت کی چھائی ہو گی ایسے میدان میں ہر صف کی صفائی ہو گی دیں گے کوفے میں خبر بھاگ کے جانے والے بھاگو بھاگو یہاں شبیر ہیں آنے والے

ابھی کھل جائے گا شبیر اکیلے کیا ہیں فاطمی شیر کے آگے یہ درندے کیا ہیں سامنے قامت توحید کے بولے کیا ہیں شام کے سورماں اپنے کو سمجھتے کیا ہیں ہو گا اس شان سے حملہ اسد طالب کا کلمہ پڑھ پڑھ کے مریں گے یہ ابو طالب کا

ہو گئی جنگ پہ آمادہ خدا کی قدرت غیظ کو دے کے جگہ ہٹ گئی پیچھے رحمت پیار سے بات کی لیکن نہیں سمجھی امت چھ مہینے سے بہت شور تھا بیعت بیعت تیغ کچھ دیر میں جب ابن علی نکالے گا کوئی بیعت تو کجا 'ب' بھی نہیں بولے گا

آستینوں کو الٹتے ہیں حسین ابن علی مرتجز سے یہاں شمشیر علی کی بولی ساتھ دینا ہے تجھے میرا اے راہوار نبی آخری جنگ ہے یہ قبل ظہور مہدی آج ہر منکر مولا کو جکڑنا ہو گا نو 9 اماموں کی طرف سے مجھے لڑنا ہو گا

مرتجز بولا مجھے بھی نہیں آتا ہے قرار شہ کی نصرت کے لیے میں ہوں ازل سے تیار دیکھ چہرے پہ نمایاں ہیں غضب کے آثار جھڑاتا ہوں میں خاک اپنے سموں سے ہر بار شامیوں کو ہے بتانی مجھے حد بیعت کی پاؤں سے کھود رہا ہوں میں لحد بیعت کی