Dunya te kaliyan Abid ne katya zindan masaib da
Noha Lyrics & Urdu Writeup on Imam Sajjad (a.s) recited by Asghar Khan
دنیا تے کلیاں عابد نے کٹیا زندان مصائب دا
لکھدا ریا خون دے ہنجواں نال ہر روز قرآن مصائب دا
جدوں چادر سر توں قلم ہوئی
ایدی پہلی آیت رقم ہوئی
بنی زیراں زبراں خاک شفا
تاں جا کے سورۃ ختم ہوئی
سجاد نے قیدن پھپھیاں نوں رکھیا عنوان مصائب دا
انا انزلنا بن کے سر
عباس دا ڈگیا فضل خاک اوپر
الحمد حسین تے چاروں قل
اکبر، قاسم، باقر، اصغر
حر بن کے سورۃ توبہ دی بنیا مہمان مصائب دا
سب الف تے لام تے میم ایدے
اونٹاں توں راہ وچ ڈگدے رئے
اک شام دے سفراں وچ عابد دے
مک حرف مقطعات گئے
اک سین سکینہ بچ گئی سی گیا کھا زندان مصائب دا
رش شام بازار وچ چوکھا سی
دربار وچ موت دا ہوکا سی
قرآن دے سارے سوریاں چوں
ایہو سورہ سب توں اوکھا سی
موڑاں تے پیشیاں وچ مکیا سورہ رحمان مصائب دا
ایدی جھکی ہوئی کمر پئی دسدی اے
ایتھے ام المصائب وسدی اے
یسین اے طوق تے بیڑیاں وچ
تطہیر دی آیت قیدی اے
والناس دا سورہ بیٹھا اے بن کے نگران مصائب دا
زینب دے سفر دی حد کوئی نئی
سجاد دے اتھر دی حد کوئی نئی
اکبر گل ایتھے مکدی اے
دوواں دے صبر دی حد کوئی نئی
زینب درداں دی ملکہ عابد سلطان مصائب دا
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.