Haye pio di lash te raj ro nai sakeya
Noha Lyrics & Urdu Writeup on Imam Sajjad (a.s)
ہائے پیو دی لاش تے رج رو نئی سکیا میں عابد سوچدا رہنا
میرا اے دکھ ونڈاون لئی کوئی پرسے لئی آوے گا میں راہواں ویکھدا رہنا
مینوں پھپھیاں دی بانہواں تے سجے وی نیل دسدے نے
امت رسیاں جو بنیاں سن خیالاں وچ پھپھیاں دی او رسیاں کھولدا رہنا
بس اینی پیاس سی اصغر دی اک چلو چہ بجھ جاندی
اٹھا کے اپنے ہتھاں وچ میں پانی ویکھدا رہنا تے اتھرو ڈولدا رہنا
زمانے نوں خبر کی اے مرا نقصان کی ہویا
میں کیوں راتاں نوں اٹھ اٹھ کے علی اکبر علی اکبر آوازاں ماردا رہنا
کسے وی شہر وچ رک کے جاں میرا قافلہ ٹردے
مرے مقتول ویراں چوں کسے دا سر نہ رہ جاوے میں نیزے ویکھدا رہنا
پھپھی زینب دی چادر اے، اے معصومہ سکینہ دی
رداواں تک کے سانگاں تے سراں دے نال چدراں دے میں ناطے جوڑدا رہنا
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.