Mawan Karbala Diyan Mawan
Noha Lyrics & Urdu Writeup on Karbala recited by Mir Hasan Mir
پتراں دیاں لاشاں دے ٹکڑے رئیاں لبدیاں وچ صحراواں
صبر دے مالک نوں سین لیلی آکھے اذن جے دیویں تے
میں صبر دی سانجھ چ اکبر دے سینے چوں سانگھ ہٹاواں
آکھے ماں قاسم دی ماں تے احسان کریں دیر تائیں لڑدا رویں
تیرے ٹکڑے مطابق ودھنیاں نے میرے ویر حسین دی سانواں
جدوں قیدی ہو کے لنگیاں مقتل چوں وین زینب کیتا
لاشاں ول ماواں نہ ویکھن کتے رک نہ جاون سانواں
رو کے ہر ماں ایہو کیندی رئی شامیاں نوں بھاویں درے مارو
بس دے دو اجازت وچ صحرا میں پتر دی قبر بناواں
سین زینب نے کہیا کھول عابد اکھیاں جے تے سانواں رکئیاں
مینوں شام غریباں دے ویلے دیوے گا کون صلاواں
وین کلثوم دا سی لال من کے غازی تینوں میں پالیا سی
میرے سر دی چادر ہائے وی لتھ گئی جدوں لتھیاں تیریاں بانواں
سانگھ تے اصغر نوں ویکھ کے آکھے رباب جے نہ قیدی ہوواں
سر سانگھ تے تیرا لاون لئی میں دیر کدی نہ لاواں
شمر دے خنجر دے وار زہرا روکے نال اے سین کہوے
میں چکیاں پیس کے پالیا سی کیویں ہتھ گردن توں چاواں
چودہ صدیاں ہوئیاں فاطمہ دی نوہاں العجل پڑھ دیاں
ثقلین اجے وی تکدیاں نے او مہدی پتر دی راہواں
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.