Karne do mujhe saqi e kauthar ki sana

راز اللہ کی توحید ہے ہمراز علی کبریائی کی دلیلوں کا ہے آغاز علی دل بے دل سے جو نکلی ہے وہ آواز علی آسماں ساز زمیں ساز بشر ساز علی کار تخلیق باتائید احد کرتا ہے ارے یہ وہ بندہ ہے جو خالق کی مدد کرتا ہے

ممبر عالم امکاں کا خطیب اعظم بولتا تھا تو ٹھہر جاتے تھے لمحوں کے قدم میرا اس بات پہ ایمان ہے قرآں کی قسم لڑکھڑاتا نہ جو کم ظرف نصیری اس دم اپنے حبداروں کو نبیوں سے بڑھا دیتے علی ایک اک شخص کو سلمان بنا دیتے علی

وحی جبریل ہی لاتے تھے یہ ایماں ہے میرا اس روش پر بھی ذرا سوچئے اے اہل ولا آگے سدرہ سے فرشتہ یہ نہیں جا سکتا پھر یہ قرآن بھلا کس کی بدولت پہنچا نطق اللہ کا مولا میرے بن جاتے تھے جو علی کہتے تھے جبریل وہی لاتے تھے

جس کی مرضی ہے مقدر وہ سکندر ہے علی جس سے صادر ہوئے معصوم وہ مصدر ہے علی جس کا محکوم ہے کوثر وہ سمندر ہے علی جو ہے توحید کا اظہار وہ مظہر ہے علی جو بھی پردہ شب معراج کا سرکائے گا اسکو اللہ نہیں حیدر ہی نظر آئے گا

اے عزادارو ہمیں پھر سے سنبھلنا ہو گا اپنے کردار سے ماحول بدلنا ہو گا توڑ کر وقت کی زنجیر نکلنا ہو گا راہ سلمان پہ ایمان سے چلنا ہو گا ہم محبوں پہ جو وا ظلم کا دروازہ ہے یہ علی کو نہ سمجھنے کا ہی خمیازہ ہے

مدح حیدر میں تکلم یہ تقیہ کیسا مصلحت کیسی انا کیسی بہانہ کیسا اور وقت کے ساتھ عقیدے کو بدلنا کیسا موت آنی ہے تو پھر موت سے خطرہ کیسا بند یہ عشق کا دروازہ نہیں کر سکتا اور میں علی پر کوئی سمجھوتا نہیں کر سکتا