Karbobala naseeb se
Noha Lyrics & Urdu Writeup on Azadari recited by Mir Hasan Mir
اٹھے ہیں ہاتھ خدایا اسی دعا کے لئے
نصیب ہو سفر عشق کربلا کے لئے
کربوبلا نصیب سے جانا نصیب ہو
پھر لوٹ کر وہاں سے نہ آنا نصیب ہو
آنکھوں کو جب بھی اشک بہانا نصیب ہو
آل نبی کے غم کا بہانا نصیب ہو
کربوبلا نصیب سے۔۔۔
ایسا در حسین پہ سجدہ ہو آخری
پھر مجھکو اپنا سر نہ اٹھانا نصیب ہو
کربوبلا نصیب سے۔۔۔
پروردگار ٹھوکریں در در کی کب تلک
اب مستقل نجف میں ٹھکانہ نصیب ہو
کربوبلا نصیب سے۔۔۔
جیسا ملا نصیب سے ام البنین کو
اب کیا کسی کو ایسا گھرانہ نصیب ہو
کربوبلا نصیب سے۔۔۔
محشر یہ آرزو ہے کہ بے غسل و بے کفن
کربوبلا کی تہہ میں سمانا نصیب ہو
کربوبلا نصیب سے۔۔۔
آنسو گرے تھے بالی سکینہ کے جس جگہ
اپنا وہاں پہ خون بہانا نصیب ہو
کربوبلا نصیب سے۔۔۔
یہ کہہ کے شاہ نکلے مزار رسول سے
پردیس میں کفن مجھے نانا نصیب ہو
کربوبلا نصیب سے۔۔۔
اصغر ہے میرے ہاتھ بندھے کہتی تھی رباب
کیسے تمہیں گلے سے لگانا نصیب ہو
کربوبلا نصیب سے۔۔۔
مشکیزہ لے کے روضہء عباس کے قریب
سب زائروں کو پانی پلانا نصیب ہو
کربوبلا نصیب سے۔۔۔
اک سر بریدہ لاشے نے بچی کو دی دعا
زنداں سے تجھکو لوٹ کے آنا نصیب ہو
کربوبلا نصیب سے۔۔۔
نزدیک خیمہ گاہ سکینہ کی یاد میں
شام غریباں شمع جلانا نصیب ہو
کربوبلا نصیب سے۔۔۔
سجاد شام تک یہی کرتے رہے دعا
چادر مجھے پھپھی کو اڑھانا نصیب ہو
کربوبلا نصیب سے۔۔۔
اے کاش پھر سے میر تکلم فرات پر
مہدی کو شہ کا نوحہ سنانا نصیب ہو
کربوبلا نصیب سے۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.