Diva Balleya Na Phul Paye Eh Qabar Kadi Ae Rahwan Vich
Noha Lyrics & Urdu Writeup on Bibi Sakina (s.a) recited by Katri Bawa
دیوا بلیا نہ پھل پائے ایہہ قبر کدی اے راہواں وچ
اک معصومہ سی مرگئی اے قیدی ویرن دیاں بانہواں وچ
عابد نال لپٹ کے روندی سی کیویں وکھری قید نبھاواں گی
چھڈ کے کلیاں مینوں جاویں نہ چن ویرن میں مر جاواں گی
سن کے گلاں زنداں رووے جو ہوئیاں بھین بھراواں وچ
میرے درداں دا احساس کریں کیویں بابئے نوں میں بھل جاواں
تک ظالم معجزہ اجڑی دا شبیر دی دھی میں دکھلاواں
میرا پیو نیزے تے رو پیا اے ایہہ اثر ہے میریاں ہاواں وچ
کیوں آئی موت ہنیرے سکینہ نوں زینب کیا سجاد ڈسا
عابد نے کیا کی حال ڈساں جدوں میں معصومہ کول گیا
بابئے دا ناں سی اس ویلے اجڑی دے آخری ساہواں وچ
لکھ ظلم کرے اے شمر لعیں میں رونا اے میں روواں گی
بابئے دی قبر تے جاواں گی کدوں ویر آزاد میں ہوواں گی
عابد توں پچھدی تک اڈدے پنچھی آزاد ہواواں وچ
کیویں لاش اتاراں لحد دے وچ رو کے سجاد اے فرماوے
کوئی آ کے بھین نوں دفن کرو قاسم یا اکبر آ جاوے
رت روندا سی لاشہ چک کے عابد پیا پھپھیاں ماواں وچ
شبیر دی جائی دے غم وچ جیہڑا دو اتھرو وی بہاوے گا
دکھ یاد کرے گا اجڑی دے جیہڑا تابوت اٹھاوے گا
اونوں سین سکینہ محشر تک رکھے گی یاد دعاواں وچ
وکھرے زندان چہ قید سی پر آواز تے آؤندی رہندی سی
چپ کر گئی اے کجھ دیر نوں او آجا ویرن جیہڑی کیندی سی
انج لگدا اجڑی مر گئی اے روندی بے جرم سزاواں وچ
سجاد او جھڑکاں جھلدی رئی باغی دی دھی سب کیندے سن
جدوں یثرب دے وچ وسدے سن سب ہاشمی ناز اٹھیندے سن
اک شہزادی سی پر رل گئی او کربل دے صحراواں وچ
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.