Phir Chahe Sakina Ko Wo Jitna Bhi Sata Le

تھا بین سکینہ کا ہے رکنے کو مرا دل جاتا ہے ردا چھین کے بے شیر کا قاتل آسان یہ کر دیں مرے بھیا مری مشکل گوہر بھی نہیں چاہیے نہ چاہیے محمل کر دے جو مرے سر کی ردا میرے حوالے پھر چاہے سکینہ کو وہ جتنا بھی ستا لے

گوہر میرے چھینے یہ ستم میں نے سہا ہے خوں میرا ستمگار کے ہاتھوں پہ لگا ہے بس میرا لہو ہاتھوں سے وہ اپنے ہٹا لے

خنجر سے گلا شہ کا میرے سامنے کاٹا پتھر تن مظلوم پہ مارے گئے بھیا زخموں پہ مگر بابا کے اب ریت نہ ڈالے

کرتا ہے دکھی شاہ کی ہمشیر کو جیسے لہراتا ہے وہ چادر تطہیر کو جیسے نیزے پہ مرے بابا کا سر یوں نہ اچھالے

رہواروں کو تیار جو کرتے ہیں مسلماں بھیا یہ ستم دیکھ کے مر جائیں گی اماں پامالی سے لاشہ علی اصغر کا بچا لے

ہم سے سہی جاتی نہیں تاشوں کی اذیت ہنستے ہیں لعیں دیکھ کے ہم ساروں کی حالت رستے سے ہمارے یہ تماشائی ہٹا لے

تلواروں سے چہرے پہ کئی زخم لگے ہیں مظلوم کے یہ ہونٹ تو پہلے سے کٹے ہیں اب بابا کے ہونٹوں سے چھڑی اپنی ہٹا لے

اکبر تھیں تڑپ کر یہ سکینہ کی صدائیں رکھتا ہے سر غازی پہ بہنوں کی ردائیں یہ چادریں وہ سر سے چچا جاں کے اٹھا لے

میں اپنے لیے چھاؤں تو نہیں مانگتی بھیا ان شام کی راہوں میں فقط وقت دے اتنا دامن سے کروں صاف ترے پیروں کے چھالے