Pa Ke Siran Ch Mittiyan
Noha Lyrics & Urdu Writeup on Bibi Zainab (s.a) recited by Hooriya Fatima bint Rizwan Zaidi
پا کے سراں چہ مٹیاں رو کینڑ زہرا جائیاں
تیرے قاتلاں نے غازی نیزے تے چدراں چائیاں
دس چا فضل دا بابا کیویں ننگے پیر ٹرسنڑ
مستوراں جیڑیاں نہ کدے گھر چوں باہر آئیاں
صحرا چہ رہئے تڑپدے دوویں ہتھ کٹے بھرا دے
جدوں ظالماں نے بنھیاں زینب دیاں کلائیاں
ویراں دے لاشے تک کے کلثوم رو رو آکھے
صحرا چہ لٹیاں گئیاں میری ماں دیاں کمائیاں
دریا دے پاسے تک تک روندی رئی سکینہ
غازی دے قاتلاں نے خوشیاں جدوں منائیاں
صغری توں لے سکینہ اک دکھ اے سب دا سانجھا
بھینڑاں نوں مار گئیاں ویراں دیاں جدائیاں
رو رو بلاندی رہ گئی غازی تینوں سکینہ
چھوٹے جئے گل چہ اوہدے جدوں شمر رسیاں پائیاں
پتھر تے وسدے کوڑے پئیاں جھلدیاں نے شام اچ
غازی دے سر نوں تک تک رو رو کے جگ ستائیاں
ویراں دے لاشیاں تے گھوڑے نہ کوئی دوڑاوے
سنڑیاں اسد کسے نئی بھینڑاں دیاں دہائیاں
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.