Inj Mehandiyan Walay Di Khaimay Gathri Wich Mehndi Aayi Ae
Noha Lyrics & Urdu Writeup on Hazrat Qasim (a.s) recited by Khurram Murtaza
انج مہندیاں والے دی خیمے گٹھڑی وچ مہندی آئی اے
بنڑے دی ماں نوں رو سید بنڑے دی لاش وکھائی اے
شبیر نوں تک تک کے زینب پئی روندی تے کرلاندی سی
قاسم دی لاش تے رو رو کے فروہ نوں سینے لاندی سی
ایس حال دے وچ جنج قاسم دی آئی لے کے زہرا جائی اے
گٹھڑی نوں کھول کے تکدی اے ہتھ گانیاں والے لبھدی اے
گٹھڑی نوں سینے لا لا کے بنڑے نوں ماں اے کہندی اے
اٹھ ویکھ سکینہ بھینڑ تیری تینوں مہندی لاونڑ آئی اے
رج شامی ظلم کماندے رہئے انج بدر دے بدلے لاندے رہئے
قاسم دی لاش دے چنڑ ٹکڑے شاہ رو رو کے فرماندے رہئے
ہائے ظالماں ریت اچ رول دتی میرے ویر دی پاک کمائی اے
گٹھڑی نوں گل نل لا لا کے ہر بی بی وینڑ اے پایا اے
بنڑی دے شگن منائے نہ بنڑے نے سہرا لایا اے
تیراں تلواراں قاسم نوں ہائے خون دی مہندی لائی اے
اے منظر اسد ستاوے گا سجاد نوں بہت رواوے گا
کیویں وطن تے جا کے صغری نوں سجاد اے حال سناوے گا
شبیر نے مقتل چوں کیوں قاسم دی میت چائی اے
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.