Be Kafan Janaziyan Saf Ban Layi Likh Rokiya Naize Teeran
Noha Lyrics & Urdu Writeup on Imam Sajjad (a.s) recited by Asghar Khan
بے کفن جنازیاں صف بن لئی لکھ روکیا نیزے تیراں
سجاد پڑھاونڑ آیا اے بابے دیاں پنج تکبیراں
پہلی تکبیر جنازے دی گج حمد ہوئی گج وین اے
سجاد کیا معبود تیرے اس عبد دا نام حسین اے
توں وحدہ تے ہو گیا ایں ایدھی لٹیاں گل جاگیراں
دوجی تکبیر چ عابد نے کیا لے نانے دا نام اے
سماں نل کر پامال گئے راہوار درود سلام اے
میں خاک چوں چن چن جوڑیاں نیں رحمت دیاں اے تصویراں
تیجی تکبیر کیا عابد دساں قدرت بھین بھرا دی
شاہ اونیاں لاشاں چکیاں نے روئی زینب اونی واری
جنیاں تطہیر دی چادر تے نے لہو دیاں پاک لکیراں
چوتھی تکبیر گواہی سی ایتھے آن کے عابد رویا
کیا مالک اے گم زینب تے کلثوم دے ذمے ہویا
ہن جا کے گواہیاں دین گیاں وچ شام ایدھی ہمشیراں
پنجویں تکبیر توں بعد اکبر اے کہہ میت دفنائی
کسے ظالم اک انگوٹھی لئی اس ہتھ دی انگلی لائی
جس ہتھ نل بابے لکھیاں سن دنیا دیاں کل تقدیراں
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.