Har koi Abbas par yun zulm dhata reh gaya
Noha Lyrics & Urdu Writeup on Hazrat Abbas (a.s)
ہر کوئی عباس پر یوں ظلم ڈھاتا رہ گیا
آمد شبیر تک لاشہ بھی آدھا رہ گیا
ایک اک لاشہ اٹھا میدان سے دونوں طرف
بس وہاں عباس اور مولا کا لاشہ رہ گیا
رکھ کے خیمے میں علم شہ نے طنابیں کاٹ دیں
یوں تصور میں کفن بھائی کو دیتا رہ گیا
دو کٹے بازو اٹھا کر اٹھ نہ پایا خاک سے
جس جگہ بیٹھا وہیں شبیر بیٹھا رہ گیا
ماں یہ کہتی تھیں پکارو مت مجھے بیٹوں کی ماں
سو گیا عباس تو پھر کون زندہ رہ گیا
کیسے نیزے پر وہ نظروں میں سکینہ کی رہے
اس لیے شاید سر عباس گرتا رہ گیا
جس نے چلنا سیکھا اکبر زینب و کلثوم سے
اس کا سر بھی چادروں سے دور چلتا رہ گیا
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.