Ous Bhara Diyan Bhainan
Noha Lyrics & Urdu Writeup on Shaam recited by Asghar Khan
اوس بھرا دیاں بھیناں بن چادر ہائے وچ شام بازار نے آئیاں
جس ویر نے بھیناں دے پیراں دی اڈی خاک تے پردے داری لئی چادراں پائیاں
موڑ پہلا سی اجے ہر پاسے ہو گئی پتھراں دی شام وچ بارش
رئیاں سامنے عابد دے آؤندیاں ودھ ودھ کے پتھر کھاندیاں زہرا جائیاں
تیراں تلواراں توں جیہڑے بال بچ گئے ڈگ ڈگ کے اونٹھاں توں مر گئے
لنگ لنگ کے بالاں توں اونٹھاں نے قیدن مانواں دے سامنے قبراں بنائیاں
ویر معصومہ دا کنڈیاں تے پیراں نوں رکھ رکھ ٹردا آیا سی
کیڑا کڈدا کنڈیاں نوں ویر دے کیتے ہتھ قیدی ہمشیر دے آن سپائیاں
آکے دربار اندر تکیا سی بھین نے ہوندا ظلم ویر دے سر تے
اونوں اپنی مصیبتاں سی بھل گئیاں جدوں ویر دے لب تے ظالماں ضرباں لائیاں
پئیاں اک دوجے نوں گل لا کے روندیاں نالے وین ایہو کردیاں نے
بے گور و کفن چھڈ کے آ گئیاں لاشاں اپنے ویراں دیاں ناں دفنائیاں
کیویں ثقلین لکھے منظر او شام دا بازار وچ سکینہ جدوں
وسدے ہوئے پتھراں نوں ویکھ کے حسرت نل سر تے غازی دے نظراں جمائیاں
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.