Rukda nai akhiyan cho haye khoon mahari da
Noha Lyrics & Urdu Writeup on Imam Sajjad (a.s)
رکدا نئیں اکھیاں چوں ہائے خون مہارئی دا
غیرت ہے سبب بنڑیا عابد دی بیماری دا
کردی رئی تو منتاں نئیں وطن تے پہنچایا
مجبور انج میں ہویا تینوں کفن وی نہ پایا
چک لاشہ بہت رویا او بھین پیاری دا
غیور مر نہ جاوے وچ شام دے مظلوم اے
ہے نال ایدے قیدی زینب اے تے کلثوم اے
سجاد نئیں عادی ایس بھیڑ بازاری دا
مرگئی تیری سکینہ آویں آپ تو شبیر اے
عابد دی ہے مجبوری پائے طوق تے زنجیراے
کیویں لاشہ اٹھاوے گا ہائے درداں دی ماری دا
عابد دی ویکھ مجمع ہوئیاں اوکھیاں نے ساواں
غازی دی بھین آگئی اے شور وچ بازاراں
کیتا آ کے وین شامی زینب دی سواری دا
اہل حرم نوں ظالم دربار وچ بلا کے
او آیتاں قرآنی نیزے اتے چڑھا کے
ہلے نہ دل کسے وی حافظ کسے قاری دا
سر ننگے دھی علی دی بازاراں دے وچ ٹرنا
شبیر دے قاتل توں زینب دا ردا منگنا
سجاد تو پچھ منظر زینب دی لاچاری دا
رت اکھیاں دی ہے ودھ گئی ہو زرد گیا چہرا
دربار اجے دور اے کر حوصلہ چن میرا
سر نیزے تے روندا اے قرآن دے قاری دا
میرا وقت ہے اخیری مینوں بابے کیتا یاد اے
میرے کھول رسن ویرن آ جلدی توں سجاد اے
مک سفر گیا عابد اج سفراں دی ماری دا
اج تک نئیں اے سمجھے تنویر مسلمان اے
شبیر دا غم کرنا اے دین تے ایمان اے
جنت ہے صلہ ادنی ایدی ماتمداری دا
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.