Ali Ke Ghar Mein Ali Ka Imaan Utra Hai

علی کے گھر میں علی کا ایمان اترا ہے نبی کے قلب پہ جیسے قرآن اترا ہے زمیں پہ امن کی دینے اذان اترا ہے دہن میں لے کے خدا کی زبان اترا ہے کہا بتول نے کیا عکس مصطفی ہے یہ یہ میری گود میں اترا ہے مجتبی ہے یہ

جہان بھر میں فقط امن کا خدا ہے حسن رسول پر ہے جو زہرا کی وہ عطا ہے حسن گل انبیاء کا زمانے میں آسرا ہے حسن خدائے پاک کے رازوں کی ابتدا ہے حسن ہر اک نبی کو خدا سے یہی ملاتا ہے یہ فرش سے ہی قلم لوح پر چلاتا ہے

نماز احمد مرسل کا تو قیام حسن حسین جس کے ہے پیچھے تو وہ امام حسن خدا نے عرش سے بھیجا تجھے سلام حسن کلیم رب ہے تو اس کا ہے تو کلام حسن تیرے ہی در پہ ملائک جبین رکھتے ہیں سجود چاند ستارے تجھے ہی کرتے ہیں

حسن کا بغض تو اعمال مسل دیتا ہے یہ بغض نیکیاں ساری ہی کچل دیتا ہے یہ آدمی کو بھی کتے کی مثل دیتا ہے یہ بغض مرد کو عورت میں بدل دیتا ہے یزید کا ہے جو اس کا بھی خانوادہ ہے حسن کا جو بھی ہے منکر حرام زادہ ہے

زمانے بھر کو تو یہ بات بھی بتا قنبر حسن کی والدہ کی تجھ پہ ہے عطا قنبر سنا جو تو نے فقیروں سے وہ سنا قنبر نماز عشق حسن کی نہیں قضا قنبر فقط یہ ارض و سما ہی نہیں ہیں محو سخن خدا بھی عرش پہ خود کر رہا ہے ذکر حسن

رسول کا جو سخن دیکھنا اگر چاہو جو مرتضی کا چلن دیکھنا اگر چاہو یہ امن کا ہے چمن دیکھنا اگر چاہو نجات کی جو کرن دیکھنا اگر چاہو علی کے گھر میں بنی آج یہ عدن دیکھو نبی کے ہاتھ پہ اترا ہوا حسن دیکھو