Aye Mere Mola Raza

اے مرے مولا رضا در رضا پہ جو سجدہ گزار ہوتا ہے خدا کے بندوں میں اس کا شمار ہوتا ہے در رضا کی گدائی جسے بھی مل جائے فقیر ہوتے ہوئے تاجدار ہوتا ہے اے مرے مولا رضا شاہ خراسان ہے تو دین کا دین ہے ایمان کا ایمان ہے تو

تو ہی قرآن ہے قرآن کی تفسیر بھی ہے ایک ہی وقت میں حیدر بھی ہے شبیر بھی ہے کبھی تصویر نبی اور کبھی عمران ہے تو

تو ہے قرآن کو قرآن سکھانے والا تو ہے اللہ کی پہچان کرانے والا پسر شیر خدا چہرہ یزدان ہے تو

بے زبانوں کے دہن میں بھی زباں پڑتی ہے حکم ہو تیرا تو تصویر میں جاں پڑتی ہے بشری شکل میں اللہ کی پہچان ہے تو

اے مرے مولا سنبھالی ہے ولایت تو نے پائی ہے جعفر صادق کی صداقت تو نے قلب کاظم پہ جو اترا ہے وہ قرآن ہے تو

تیری صورت میں ہے نور ازلی کی صورت اپنے پیکر میں ہے تو نادعلی کی صورت ضامن آہو ہے تو گل کا نگہبان ہے تو

جو علی کی تھی ادائیں وہ ادا تیری ہے رب اکبر کی رضاؤں میں رضا تیری ہے یعنی اللہ کی رحمت کا اک عنوان ہے تو

تجھ کو ہر سجدہ رب کرتا ہے جھک جھک کے سلام روبرو تیرے یہی کرتا ہے کعبہ بھی کلام میں تو بس جسم ہوں اے مولا مری جان ہے تو

ہیں ترے در کے گدا نور علی اور رضواں تیری کرتے ہیں ثنا نور علی اور رضواں تیرا احساں ہے کہ دونوں پہ مہربان ہے تو