Howay Na Door Watan To Shala Bimar Koi
Noha Lyrics & Urdu Writeup on Imam Sajjad (a.s) recited by Hasan Sadiq
وانگ سجاد نہ کوئی بیمار ویکھے پھپھیاں وچ بازار
ہووے نہ دور وطن توں شالا بیمار کوئی
ننگے سر ویکھے نہ پھپھیاں بھرے بازار کوئی
دیس اپنے چہ نہ پردیسی کوئی وی ہووے
دیکھ بھرجائیاں کوں سر ننگے کوئی نہ رووے
جاوے ہر موڑ تے رکدی نہ پردے دار کوئی
ویکھے نہ پتر دے گل طوق ظلم دے پیندے
نیزے توں ویکھے نہ بچڑی دے کوئی در لہندے
شالا غش کھاوے سناں تے نہ بار بار کوئی
شام وچ پور جیویں لے کے ہے بیمار گیا
ویکھ کے بھیڑ بازاری کوں جیویں روندا رہیا
رووے نہ خون دے اتھرو اینج سالار کوئی
کوئی مستور کدی شالا نہ پاوے کڑیاں
ویکھ دربار دے وچ بھینڑاں تے پھپھیاں کھڑیاں
ہووے سجاد دے وانگوں نہ بے قرار کوئی
تیرا خورشید کرے مولا اے رو رو کے دعا
غم کسے نوں نہ ملے کوئی تیرے غم دے سوا
رووے غم تیرے دے باجوں نہ عزادار کوئی
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.