Na Ghazi Hai Na Mahmal Hai
Noha Lyrics & Urdu Writeup on Bibi Zainab (s.a) recited by Hasan Sadiq
کیویں مکنا اے پینڈا زینب دا نہ غازی ہے نہ محمل ہے
ہو گئے نے بھین توں ویر جدا نہ غازی ہے نہ محمل ہے
انج مسلماناں تعظیم کیتی قرآن دیاں سب سطراں دی
ہر قدم تے سین دے قافلے تے رئی لہندی بارش پتھراں دی
آکھے سہہ کے زینب ظلم جفا نہ غازی ہے نہ محمل ہے
میں اوں زہرا دی دھی زینب جیہڑی پاک رسول دی جائی اے
میڈا بابا حیدر شیر خدا جیکوں جاندی کل خدائی اے
کیتا نئی ظالم شمر حیا نہ غازی ہے نہ محمل ہے
کونین دی وارث ہے جیہڑی بن چادر شام چہ آئی اے
بازار چہ بھیڑ ہے لوکاں دی کھلی قیدی زہرا جائی اے
نئی دیندی امت ٹرن دی راہ نہ غازی ہے نہ محمل ہے
وچ طوق ظلم دے عابد ہے دکھاں دی منزل بھاری اے
اک درد ایکوں مینڈے پردے دا دوجا کیتا زور بیماری اے
ہائے شام چہ روندا خون پیا نہ غازی ہے نہ محمل ہے
ایہو ول ول کے پئی پچھدی اے تک نیزے دے ول سین مینڈی
ہائے وچ دربار شرابی دے سنگ بھرجائیاں دے بھین تینڈی
کیویں جاوے ویر شبیر ڈسا نہ غازی ہے نہ محمل ہے
ممتاز اے روندا ہر ویلے لکھ حال ہائے پردے داراں دے
کنج پاک بتول دی دھی لوکو کیتے پیدل سفر بازاراں دے
دربار گئی ہائے باج ردا نہ غازی ہے نہ محمل ہے
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.