Har welay putar Sajjad tu rat na roya kar
Noha Lyrics & Urdu Writeup on Imam Sajjad (a.s) recited by Hasan Sadiq
ہر ویلے پتر سجاد تو رت نہ رویا کر
ذرا جھل کے رو زینب آکھے چم کے بیمار دا سر
میرے اکبر قاسم ٹر گئے نے نہ غازی ول کے آیا اے
کی ہویا ساکوں ظالم نے جے وچ دربار بلایا اے
تیرے خون دے اتھرو تک تک کے پھپھی زینب جا سی مر
رئی پچھدی رو بیمار توں اے کدوں ویر اے راہواں مکناں نے
ہنڑ لگدا اے زنداناں وچ اے ویرن ساہواں مکناں نے
ہائے پچھدی رو گل پا بانواں کدوں جانڑاں اے ول کے گھر
آکھے تک کے کنڈ دیاں زخماں نوں نہ ویر کدی ہنڑ روواں گی
جدے باج نئی اک پل رہ سکدی اودھے سینے باج میں سوواں گی
بس ایناں توں میں دکھیا تے احسان چا وین کر
جیویں تیڈیاں اکھیاں سمدیاں نے کپے گل چوں اینج رت سمدی نئی
میکوں یاد او منظر آوندا اے پھپھی رو رو فروا لگدی نئی
ہائے رت دے ڈلدے تک اتھرو میکوں بوؤں لگدا اے ڈر
خورشید دی اکھیاں چوں اتھرو لکھ روکیا وی ہن نئی رکدے
او منظر جد وی یاد آوے اکھیاں چوں اتھرو نئی سکدے
تاحشر نئی بھلڑاں آل نبی جیویں دکھڑے گئی اے جھر
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.