Tur Chaliyan Shaam Nu Baba Main Veer Ganwa Ke
Noha Lyrics & Urdu Writeup on Bibi Zainab (s.a) recited by Hasan Sadiq
ٹر چلیاں شام نوں بابا میں ویر گنوا کے
میں مر کے وی نئی بھلنا گئی ویر کوں نہ دفنا کے
تتی ریت تے سم گیا اکبر نالے ٹر گیا غازی
پیا پتھراں ہیٹھ ہے بابا مینڈا ویر نمازی
آ زینب کوں اسوار کراں وچ کربل بابا آ کے ہائے
شالا نہ کوئی میرے وانگوں اینج لاش تے آوے
نہ بھین کسے ویرڑ دی اینج اٹھ تے جاوے
اٹھی ویر دی لاش توں روندی میں جیویں ول ول جھڑکاں کھا کے ہائے
نئی لاش تے روون دیندے پئے ظالم مینوں
ایہو جی کردا اے میرا دھی آکھے تینوں
رج روواں جاندی واری میں تیڈے گل وچ باواں پا کے ہائے
آ ویکھ ذرا فروا دا جو بابا حال اے
نئی امبڑی کوں پئے لبھدے ہتھ مہندیاں والے
آ ہتھ لبھ بنڑے قاسم دے میڈے نال تو مقتل جا کے ہائے
رئیوں آپ بناندا پردے توں بابل میرے
سنگ پور دے ونجڑاں اے زینب وچ شہر دے تیرے
تیری راہ ویکھاں سنگ بھرجائیاں ہتھکڑیاں رسیاں پا کے ہائے
اودھا ماتم جگ تے رہ سی تاحشر دے جاری
جدی لاش تے نہ رج روئی اک درداں ماری
خورشید بچا گیا دین جیہڑا وچ سجدے سیس کٹا کے ہائے
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.