Dozakh Hai Kya Batana Hamara Hi Kaam Hai

دوزخ ہے کیا بتانا ہمارا ہی کام ہے دوزخ بتول پاک کی رنجش کا نام ہے الفت ہے جس کو آل محمد سے دوستو جنت کا اہتمام اسی دل کے نام ہے

زہرا تیرے کرم کی خبر پا کے آئے ہیں ہم گردش حیات سے گھبرا کے آئے ہیں طوفان مشکلات سے ٹکرا کے آئے ہیں دامن جو تیرے سامنے پھیلا کے آئے ہیں للہ خالی ہاتھ نہ لوٹائیے ہمیں خیرات بس حسین کی دلوائیے ہمیں

شوہر سے کہہ کہ کام ہمارے کرائیے بگڑے ہوئے نصیب ہمارے بنائیے ہر مشکل حیات سے ہم کو بچائیے اولاد کا نہ غم کبھی ہم کو دکھائیے اولاد جن کی ہے اسے صالح قرار دیں سونی ہے کوئی گود تو اس کو بہار دیں

در پہ تیرے ملک بھی جھکاتے ہیں اپنا سر روٹی کوئی تھا لے گیا اور کوئی بال و پر جڑ جاتے تیرے در سے وہ ہو گا نہ در بدر دنیا و آخرت میں وہی ہو گا معتبر بی بی بس ایک بار اشارہ بھی کیجئے حر کی طرح نصیب ہمارا بھی کیجئے

در کا تیرے فقیر بھی سلطان ہو گیا نازاں ملک تھا جب کوئی دربان ہو گیا کامل محب آل کا ایمان ہو گیا بوذر کوئی بنا کوئی سلمان ہو گیا بی بی ہماری نسل کو وہ افتخار دیں قائم کا ہر جواں کو مجاہد قرار دیں