Hum ko darbar se lotaya hai jhoota keh kar

جس گھڑی لوٹ کے دربار سے آئیں زہرا سر کے بالوں میں سفیدی تو کمر میں خم تھا دیکھا زینب نے تو بولیں کہ ضعیفہ رک جا کہاں آتی ہو مصلی ہے یہ ماں زہرا کا اپنا منہ پیٹ کے زہرا یہ پکاریں زینب مجھ کو پہچان کہ ماں ہوں میں تمہاری زینب

میری بچی نہ بلا مجھ کو ضعیفہ کہہ کر ہم کو دربار سے لوٹایا ہے جھوٹا کہہ کر

تجھ کو آتی ہے کمر میری جو یہ خم زینب تو سنے گی تو کرے گی مرا ماتم زینب تازیانہ مجھے مارا ہے نکل جا کہہ کر

جب گواہی کو ہوئے پیش مرے لخت جگر جھڑکیاں دینے لگے ان کو شرابی مل کر بھائیوں کو ترے ٹھکرایا ہے بچہ کہہ کر

تو جو کہتی ہے کہ دربار سے کیا لائی ہوں پرزے بابا کی سند کے میں اٹھا لائی ہوں پھاڑ ڈالی ہے یہ تحریر فسانہ کہہ کر

قبر سرور پہ یہ فریاد کیا کرتی تھی بابا کہتی ہے مجھے آپ کی امت جھوٹی تم بلاتے تھے مجھے ام ابیھا کہہ کر

باندھ کر لے گئے رسی میں علی کو گھر سے روئیں جب فاطمہ زہرا تو طمانچے برسے بین کرتی رہی ہائے میرے بابا کہہ کر

مجھ پہ جلتا ہوا دروازہ گرایا بابا میرا محسن میرے پہلو میں ہی دم توڑ گیا نوحہ کرتی رہی برباد مدینہ کہہ کر

ہو بقیعہ جو اسد اور مظاہر جانا نوحہ اس بی بی کی تربت پہ یہی دہرانا وہ جو روتی رہی تا عمر یہ جملہ کہہ کر