Hun qaid muk gayi ae jawaan Karbal ke watnaan nu jawaan
Noha Lyrics & Urdu Writeup on Return to Madina recited by Asghar Khan
ہن قید مک گئی اے جاواں کربل کہ وطناں نوں جاواں
سجاد نوں گل لا کے رئیاں پچھدیاں پھپھیاں ماواں
کلی صغری شہر مدینہ کلی رہ گئی شام سکینہ
دیاں پرسہ سکینہ دا میں یا صغری دے درد ونڈاواں
دے اجازت عابد جا کے رج روواں حال سنا کے
جا ویر دی لا سینے قبر رسیاں دے داغ وکھاواں
جتھے سر تیرا دفن بھرا آساں مڑ کے وعدہ رہیا
انج لگدا میری شام دے وچ مکنیاں ویرن ساہواں
جیویں کربل گئی نانا انج مڑ کے آئی ناں
میرے پتر بھرا مارے گئے آ گئیاں باج بھراواں
میری طرفوں جا جابر دے غازی نوں اے خبر
تیری نگری چہ اک قافلہ اے لٹیاں دا منگدا راہواں
جدوں غازی نہ سی رہیا خیمے سڑ گئے لٹ گئی ردا
ماں ام البنین لال تیرا ٹر گیا کر کے وفاواں
قبر ماں دی گل لا کے رووے زینب وین پا کے
دے پرسہ میرے پتراں دا ماں آکھدی بھر کے ہاواں
تیرے اکبر تیرے اصغر نئیں آوناں ویراں گھر
بیمار کہیا برچھی دی گل کیویں میں صغری سناواں
مینوں پہچان بھین صغری میں ہاں عابد ویر تیرا
مینوں روگ لگا غیرت دا ظالماں لٹیاں رداواں
کرو منظور بی بی پرسہ اپنے اجڑے ہوئے گھر دا
سجاد تے اصغر تے کرو اپنیاں خاص عطاواں
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.