Suno Shan e Fatima Suno Shan e Syeda

آئین دو جہاں کا بناتی ہیں فاطمہ جھولا مشیتوں کو جھلاتی ہیں فاطمہ نبیوں کو ان کے کام بتاتی ہیں فاطمہ اللہ کا نظام چلاتی ہیں فاطمہ اس شان سے قیام ہے ارض یقین پر جب چاہیں آسمان بچھا دیں زمین پر

جلوے عجب دکھاتی ہیں خیرالنساء کی ذات تسبیح ایک ہاتھ میں چکی پہ ایک ہاتھ کونین گھومتے ہیں اشاروں کے ساتھ ساتھ ان کی کنیز روز ازل سے ہے کائنات کس کی مجال ہے کہ کوئی بات ٹال دے یہ جس کو چاہے کون و مکاں سے نکال دے

منسوب وہ حدیث کساء ہے جناب سے عاجز ہے کفر آج بھی جس کے جواب سے روشن دل و دماغ ہیں جس آفتاب سے ہم نے یہی سنا ہے رسالت مآب سے علم و ہنر کا موڑ حدیث کساء میں ہے قرآن کا نچوڑ حدیث کساء میں ہے

یہ بزم ملکہ یوم الست ہے ایمان کی غذا کا بڑا بندوبست ہے ہر شخص آج عشق کی مستی میں مست ہے زہرا کے دشمنوں کی مکمل شکست ہے محفل قلندرانہ صدا سے جو سج گئی لفظوں نے وہ دھمال کیا دھوم مچ گئی