Marjawan Gi Veera
Noha Lyrics & Urdu Writeup on Bibi Zainab (s.a) recited by Shiraz Khan
مینوں زینب آکھ بلاندے نیں مر جاواں گی ویرا
کدی نیزے مار ڈراندے نیں عابد نوں خون رواندے نیں
وچ گلیاں پتھر وساندے نیں مر جاواں گی ویرا
اس حال چہ شام بازار اندر اسی پندراں اذاناں سنیاں
جدوں نام رسول دا چاندے نیں آوازاں ماردے جاندے نیں
ساڈی چادراں نوں لہراندے نیں مر جاواں گی ویرا
ہنس ہنس کے مبارکاں دیندے نیں اک دوسرے نوں اے ظالم
موڑاں تے مجمے لاندے نیں زردار پوشاکاں پاندے نیں
تیرے قتل تے جشن مناندے نیں مر جاواں گی ویرا
سر جیڑھی سانگھ تے اصغر دا اودھے سامنے آکے شامی
سر سانگھ توں آن گراندے نیں ساڈا سارا پور رواندے نیں
تے اپنے بال ہنساندے نیں مر جاواں گی ویرا
اے حال سکینہ دا کیتا وچ شام دے سفر سپاہیاں
چپ ویکھ کے آن ستاندے نیں تیرا سر دکھلا کے رواندے نیں
فیر مار خموش کراندے نیں مر جاواں گی ویرا
اکبر بی بی اے وین کرے سر ویر حسین دا تک کے
تک کنج اے ویر ستاندے نیں ساڈی حالت ویکھدے جاندے نیں
تے اپنے صدقے لاہندے نیں مر جاواں گی ویرا
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.