Pyasi reh kar jo bachati hai Sakina pani
Noha Lyrics & Urdu Writeup on Bibi Sakina (s.a) recited by Asghar Khan
پیاسی رہ کر جو بچاتی ہے سکینہ پانی
طوق عابد پہ گراتی ہے سکینہ پانی
اب تو آنکھوں میں بھی آئے تو چھپا لیتی ہے
شمر سے اتنا چھپاتی ہے سکینہ پانی
ہونٹ کھلتے ہیں تو عباس ادا ہوتا ہے
جب بھی پانی کو بلاتی ہے سکینہ پانی
آب کوثر بھی پٹختا ہے فصیلوں پہ جبیں
جب بھی چلو میں اٹھاتی ہے سکینہ پانی
کسی مشکیزے کے بہنے سے جو اٹھتی ہے صدا
اس کو آواز یہ آتی ہے سکینہ پانی
حال ایسا ہے کہ مٹھی میں اٹھائے مٹی
زیر لب بولتی جاتی ہے سکینہ پانی
تشنگی ہے کہ یہ عباس کا دکھ ہے اکبر
خاک پہ لکھ کر مٹاتی ہے سکینہ پانی
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.