Aayi Aakhri Neend Sakina Nu
Noha Lyrics & Urdu Writeup on Bibi Sakina (s.a)
آئی آخری نیند سکینہ نوں مٹیاں تے آن کے سوگئی اے
زندان سئی پر سیداں نوں اک قبر نصیب تے ہوگئی اے
پچھیا ظالم نے عابد دا کیویں سرد ہویا اے طوق گرم
لوکاں دسیا اک بچی جیہڑی ہنجواں نال بھجوگئی اے
صحراواں وچ درباراں وچ بازار دے وسدے پتھراں وچ
قربان حسین دی بچڑی توں جیہڑی زینب وانگ کھلوگئی اے
زخماں دا نقد وصول کیتا کدی پتھراں نے کدی کنڈیاں نے
اک قبر دی تھاں معصومہ لئی اج کتنی مہنگی ہوگئی اے
تاریخ فرات دی دسدی اے ہر ظلم سہیا پر ہاری نئی
اک بچی پیاسی نہر دے وچ بیعت دا تاج ڈبوگئی اے
رملہ دے کناں وچ اپنے در ویکھ کے بی بی وین کرے
امت میرے کناں دے وچ در لا کے زخم پروگئی اے
عباس دی قبر تے پانی نئی ہر وقت طواف چہ اتھرو نے
ثقلین سکینہ غازی نوں رب جانے کتنا روگئی اے
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.