Sajjad Janrda Ae
Noha Lyrics & Urdu Writeup on Imam Sajjad (a.s) recited by Raza Abbas Zaidi
مستوراں نال لے کے دربار شام جانا سجاد جانڑدا اے
پیشی تے قیدیاں دا والاں چہ منہ چھپانا سجاد جانڑدا اے
جس دم یتیمی آوے پیو مار دتا جاوے
زنجیراں سینے لاون تے طوق غم ونڈاوے
کیویں کنڈ تو خوں بہا کے دوے پرسہ تازیانہ
رسی گلے دی سفراں وچ روز سکدی جاوے
گردن دا حصہ بن کے گردن چ وسدی جاوے
چھوٹی بہن دی میت رسی وچوں چھڑانا
او شام والے رستے اونٹاں توں بال ڈگدے
پتھریلے رستیاں تے معصوماں دے جنازے
اونٹاں دا پیراں دے نل قبراں بناندے جانا
بازاراں وچ جے لوکی ایویں پتھر وساون
اکبر جئے بھرا دا نیزے توں سر ڈگاون
اکبر دی ماں دا آ کے مٹیاں توں سر اٹھانا
غیرت منداں تے یارب ایسا نہ وقت آوے
دنیا حیا دی پلیاں نوں شام لے نہ جاوے
سر ننگے بیبیاں تے ہسدا اے کنج زمانہ
جنھیں ویر دے جگر تے برچھی چلائی ہووے
مختار کولوں بچدا بوہے تے آ کھلووے
مہمان من کے قاتل نوں روٹیاں کھوانا
بے وس بشر نوں اکبر جدوں شام یاد آوے
زنجیر نال اپنے حصے دا خوں بہاوے
ہائے شام شام کہہ کے اکھیاں چوں رت بہانا
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.