Salam Binte Ali Salam Ya Zainab

تو نے اسکت جو کہا ہو گئے اعدا خاموش صرف اعدا ہی نہیں ہو گیا کوفہ خاموش صرف کوفہ ہی نہیں ہو گئی دنیا خاموش صرف دنیا ہی نہیں عرش خدا تھا خاموش ایسا لہجے کا اثر تھا کہ زمانہ چپ تھا تیری تعظیم میں خود تیرا گھرانہ چپ تھا

ظلمت شام کی تردید ہے پہلی شعبان تین شعبان کی تمہید ہے پہلی شعبان چودہ معصوموں کی امید ہے پہلی شعبان ساری عیدوں کے لیے عید ہے پہلی شعبان عرش سے بن کے ولایت کی سفیر آئی ہے لیلۃ القدر کے گھر عید غدیر آئی ہے

قافلہ فرش عزا کا یہ چلی ہے لے کر چودہ صدیوں سے خطاب اس کا ہے جاری گھر گھر تازیہ جھولا علم آنسو ہیں اس کا لشکر کون روکے گا بھلا شاہ کا ماتم اکبر کربلا کا جو ہر اک صاحب دل قائل ہے اس کی تبلیغ میں زینب کا لہو شامل ہے

پل میں ساقط بھرے بازار کی ہل چل کر دی ایک ہی بات میں ہر بات مکمل کر دی وقت پر وقت کی دہلیز مقفل کر دی دن کو معزول کیا رات معطل کر دی خوف میں ڈوبے ہوئے دل وہ ابھرنے نہ دیئے سانس بھی روک دیئے لوگ بھی مرنے نہ دیئے