Haye Raza de piyo diyan sanwan qaid vich e muk gaiyan
Noha Lyrics & Urdu Writeup on Imam Kazim (a.s) recited by Markazi Matmi Dasta MSO Sialkot
ہائے رضا دے پیو دیاں سانواں قید وچ ای مک گئیاں
گھر نوں جاون والیاں راہواں قید وچ ای مک گئیاں
مالک تقدیر قیدی ہو گیا
دھیاں دا جیویں مقدر سو گیا
ہائے وسن دی دعاواں قید وچ اے مک گئیاں
وین جیہڑے کنداں نل ٹکراندے رئے
نال کاظم دے او ہاڑے مر گئے
جنج سکینہ دیاں ہاواں قید وچ ای مک گئیاں
شام ول منہ کر کے کاظم آکھدا
قید خانہ کھا گیا بغداد دا
تیرے غازی دیاں بانواں قید وچ ای مک گئیاں
نام صغری دا لوے تے رو پوے
ہائے اکبر آکھ کے کاظم کہوے
جیہڑے ہو کے ہاڑے ہاواں قید وچ ای مک گئیاں
بس اے اکبر فاطمہ اے جاندی
کنے بچڑے کھا گئی راہ شام تے بغداد دی
کنے بچڑے دھیاں مانواں قید وچ ای مک گئیاں
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.