Abbas Naam Hai Mera Abbas Naam Hai

مانگا ہے رب سے مالک کونین نے مجھے بیٹا کہا ہے مادر حسنین نے مجھے

توحید کو ہے ناز خدائے وفا ہوں میں مشکل کشا کا لال ہوں مشکل کشا ہوں میں برسوں جبین شیر خدا میں رہا ہوں میں دوہرایا جب علی کو خدا نے بنا ہوں میں خلقت میں میری دخل نہیں ماؤ طین کو تحفہ ہوں میں بتول کا ام البنین کو

اسمائے پنجتن کا اثاثہ ہے میرا نام الفاظ ہیں طواف میں کعبہ ہے میرا نام اسرار اور رموز کی دنیا ہے میرا نام خود مصطفی کی بیٹی نے رکھا ہے میرا نام بے جا نہیں ہے حرف کوئی میرے نام میں سمٹی ہوئی ہے نادعلی میرے نام میں

تلوار میری جائے گی رن میں جدھر جدھر بارش وہاں پہ ہو گی سروں کی سڑ سڑ اشہب کے پاؤں پیسیں گے تم کو کڑ کڑ دیکھے گی موت خود یہ نظارے ٹگر ٹگر سن سن کی ساعت ایسی سماعت پہ چھائے گی در در گریں گے دھڑ نہ صدا تم کو آئے گی

قہر خدا کی بولتی تصویر میری تیغ روحوں پہ موت کرتی ہے تحریر میری تیغ تیغوں میں مثل آیہ تطہیر میری تیغ طوفان نوح خواب ہے تعبیر میری تیغ عصمت کی پہرے دار ہے تطہیر کی قسم یہ چھوٹی ذوالفقار ہے شبیر کی قسم