Ik din mein Fatima ka bhara ghar ujar gaya

قاسم کے کیا شگن ہوئے ہائے لب فرات ہر رسم خود نبھاتی رہی موت ساتھ ساتھ ٹاپوں کی زد میں آگئی فروہ کی کائنات چھوٹی سی اک ردا میں سمائی تھی پوری ذات مہندی تھی یا لہو تھا تن پاش پاش پر گل کا گمان ہوتا تھا قاسم کی لاش پر

گلشن کے گل تو گل تھے کلی بھی نہ بچ سکی اندھیر مچ گیا تھا اندھیری تھی زندگی کڑکی کماں تو خیموں میں مادر سمجھ گئی اپنے ہی خوں سے بجھ گئی اصغر کی تشنگی دنیا میں کچھ کہے بنا خاموش ہو گیا آنکھیں کھلی ہی رہ گئیں بے شیر سو گیا

ہائے وہ شام شام غریباں کہیں جسے فرقت کا اک پیام تھا صغری کے واسطے صغری تو دور خط سے بھی اکبر نہ مل سکے دیکھی ہے موت نے یہ اذیت قریب سے اکبر کی لاش سے خط صغری تھا اتنی دور قبر نبی سے تربت زہرا ہے جتنی دور

اکبر جناب ثانی زہرا کی تھی یہ بات خنجر سے وار کرتا تھا شہ پہ وہ بد صفات باندھے ہوئے حصار تھی میں تو نظر کے ساتھ رکھے ہوئے تھے حلق پہ اماں نے اپنے ہاتھ خنجر کے راستے میں جو شے آئی کٹ گئی شبیر کا گلا میری بینائی کٹ گئی