Kariyan Mazloom Imam Diyan Koi Waris Aan Ke Lawe
Noha Lyrics & Urdu Writeup on Imam Kazim (a.s) recited by Anjuman Sipah-e-Ahl-e-Bait
کڑیاں مظلوم امام دیاں کوئی وارث آن کے لاوے
نہ کٹ دیاں بیڑیاں میت دے یارب کوئی زخم دکھاوے
نیزے دیاں نوکاں میکھاں نے زخماں تے زخم بنائے نے
اینے چودہ سال رکوع دے وچ بڑے اوکھے وقت لگائے نے
ایدی میت نوں بے دردی نال یا رب کوئی ہتھ نہ لاوے
ایدی قید اے سنت سکینہ دی اینے طوق بیمار دا پایا اے
بے وطن ہویا شبیر وانگو نہ مڑ وطناں تے آیا اے
مدتاں توں وچھڑیاں دھیاں نوں آدھ رات نوں کون بلاوے
ایدے وزن توں ودھ کے ظالماں نے زنجیراں اینو پائیاں نے
مکیاں نئی ساہواں ظلم دے نال ایناں زہر دے نال مکائیاں نے
کڈے لاش کوئی زنجیراں چوں یا رب اینو کفن پواوے
اک چادر وچ مزدوراں نے ہائے پاک جنازہ چکیا اے
بغداد دے پل تے ظالماں نے رکھیا نئی لوکو سٹیا اے
کوئی وارث نئی ایس قیدی دا جیہڑا لاش نوں آن کے چاوے
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.