Qurbaniyan Wekh Le Mola Pak Shabbir Diyan
Noha Lyrics & Urdu Writeup on Imam Hussain (a.s) recited by Hasan Sadiq
قربانیاں ویکھ لے مولا پاک شبیر دیاں
پردیس چ روون بھیناں بے تقصیر دیاں
تتی ریت تے شاہ دیاں جوکاں پانڑی ڈکیا ظالم لوکاں
بے شیر دے گل وچ نوکاں کھوبیاں تیر دیاں
کھچے برچھی امام زمانہ پیا تڑپے روپ سہانہ
ہوئیاں اے توقیراں نانا تیری تصویر دیاں
ول آوے علماں والا ساڈے پردے دا رکھوالا
نت خیراں ہوون شالا غازی ویر دیاں
زہرا دیاں لٹیاں چدراں ہائے مسلماناں بے قدراں
لائیاں پاک سراں توں چدراں اینج تطہیر دیاں
بیمار تے اوکھیاں گھڑیاں گل طوق مہاراں پھڑیاں
نہ کھچ بے دردا کڑیاں اینج زنجیر دیاں
کھلے وال تے بنیاں بانواں کوفے دیاں راہواں
آ غازی ویکھ سزاواں بھین اسیر دیاں
جدی دوش رسول سواری جدی جنتاں وچ سرداری
اونے ضرباں سہیاں بھاری کند شمشیر دیاں
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.