Hath nai labde Qasim das kiwain tenu mehdiyan lawan
Noha Lyrics & Urdu Writeup on Hazrat Qasim (a.s) recited by Markazi Matmi Dasta MSO Sialkot
ہتھ نئیں لبدے قاسم دس کیویں تینوں مہندیاں لاواں
گٹھڑی چوں کڈ کڈ کے بس ٹکڑے جوڑدی جاواں
خاب سی دل دا میرے انج تیرے شگن مناندی
غازی نوں علم پھڑا کے بارات دے نال ٹراندی
ہن جنج نئیں تے میت اس شان دے نال اٹھاواں
خاک چہ رل گیا میرے ارماناں دا سرمایہ
کجھ کجھ مڑیا اے قاسم نئیں پورا واپس آیا
مٹیاں وچ رت رہ گئی سمباں وچ رہ گئیاں ساہواں
پیو تعویز بندھایا میں گانا منیا تیرا
پھپھیاں دستار پوائی میں سہرا منیا تیرا
دس قاسم گٹھڑی نوں کیہڑے شگن دے نال مناواں
موت دا سن کے تیری اونے کالے کپڑے پائے
مینوں آن کے اجڑی کبری بس ایہو پچھدی جاوے
میں کیویں ہتھاں توں مہندی دا رنگ لہاواں
ماواں ٹھنڈیاں چھاواں کیندے نے دنیا والے
جدے پتر نوں شگناں ویلے کوئی ظالم مار مکاوے
اس امبڑی لئی اکبر کی تپاں تے کی چھاواں
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.